Shqipëria po përballet me një shtim të rasteve me Covid-19, ndonëse prej disa ditësh, vendosja e maskës është bërë e detyrueshme në çdo ambient.
Kreu i qeverisë Edi Rama tha se një mbyllje e dytë është e mundshme, në rast se shtohen të infektuarit me shifra shumë të larta.
Duke folur në mbledhjen e task forcës për zbatimin e masave anti-covid, Rama u shpreh se Shqipëria ka qenë shumë me fat, për nivelin e saj të ekspertëve.
Edi Rama: “Unë dhe ministrja jemi me fat, pasi skuadra jonë e ekspertëve është e nivelit të lartë ndërkombëtar, dhe jemi adaptuar siç janë adaptuar të gjithë. Sot që flasim, vendosja e detyuruar e maskës vijon që të krijojë polemika në Europë dhe në Amerikë.
Ne nuk duam të mbyllemi, nuk duam tiu themi njerëzve që shkojnë në punë, rrini në shtëpi. Nuk duam tiu themi atyre që lëvizin, që të mos lëvizin më, nuk duam që të mbyllim shkollat, nuk duam tiu themi studentëve që edhe këtë vit të rrimë në shtëpi.
Nuk duam po si mund ti bashkojmë këto të dyja, dëshirën për mos tu mbyllur, dhe mundësinë e mbytjes nga infeksionet. Po si mund të ndodhë kjo në rast se ne bëjmë ahengje, dhe duam që Covidin ta vrasë shteti me çifte.”
https://www.facebook.com/edirama.al/videos/270975630908532/
