Italia është në kolaps. Kryeministri Giuseppe Conte ka deklaruar se masat e ngurta të marra nga qeveria italiane, për të luftuar emergjencën e koronavirusit, nga bllokimi i shumë veprimtarive tregtare deri në mbylljen e shkollave, “do të vazhdojnë deri në afatin e fundit”. “Ne kemi shmangur rrëzimin e sistemit, masat kufizuese po funksionojnë”, tha më tej ai.
E ndërsa në Kinë ka ndodhur një mrekulli. Për herë të parë që prej shpërthimit të koronavirusit, nuk është raportuar asnjë rast me COVID-19. Lajmi raportohet nga autoritetet shëndetësore të Kinës, të cilat thonë se 34 rastet e fundit në rajon, janë të ardhura nga jashtë Kinës.
Ndërsa në të gjithë Wuhanin u raportuan në 24 orët e fundit 8 vdekje. Ekspertët thonë se Wuhani do të duhet të shohë 14 ditë rresht pa asnjë rast të ri, para se të hiqen kufizimet e udhëtimit.
Kina raportoi më shumë se 81.000 të infektuar dhe mbi 3.000 të vdekur.
