Shkencëtarët vijojnë hetimet në lidhje me origjinën e Covid-19, i cili besohet të ketë dalë nga laboratori në Wuhan të Kinës. Mediat britanike shkruajnë se virusi mund të ketë qarkulluar që nga muaji shtator i vitit 2019.
Rasti nën hetim, është i një gruaje kineze e njohur si “Pacient Su” e cila mendohet të jetë rasti i parë me Covid. 61-vjeçarja nga Wuhani jetonte në një bllok banesash vetëm 1.5 kilometra larg këtij laboratori.
Dyshohet se nga kjo grua u infektuan edhe 3 ekspertë të tjerë të laboratorit të Wuhanit në muajin nëntor, rasti i të cilëve është objekt hetimi nga shërbimet amerikane të zbulimit. Pacientja nuk iu nënshtrua testimit dhe më vonë vdiq.
Hetimi nisën pasi profesori i biostatistikave pranë Universitetit të Wuhanit Ju Çanhua e zbuloi rastin e saj nga një intervistë që iu dha disa portave të specializuara mbi mjekësinë në Pekin në datën 8 dhjetor të vitit 2019. Që nga ai moment nisën të censuroheshin lajmet në lidhje me Covid.
Një studim i ri, pretendoi se shkencëtarët kinezë krijuan COVID-19 në një laborator të Wuhan, pastaj u përpoqën të mbulonin gjurmët e tyre duke përdorur versione inxhinierike për ta bërë atë të duket sikur doli nga lakuriqët e natës.
