Kufiri me Greqinë do të vazhdojë të jetë i mbyllur për shkak se vendi fqinj ka shtyrë afatiin e masave kundër koronavirusit.
Asnjë qytetar shqiptar nuk do të lejohet të udhëtojë drejt Greqisë, ndërsa përjashtim bëjnë personat që kanë pasaportë greke ose leje qëndrimi në vendin fqinj.
E vetmja pikë kufitare e hapur do të jetë ajo e Kakavijës, e cila do të punojë nga ora 07:00 deri në 19:00, por do të lejohen të kalojnë vetëm 400 qytetarë.
Njoftimi
Ndalohet hyrja në Greqi e qytetarëve shqiptarë që duan të vijnë në Greqi për arsye turistike apo vizite. Ndalohen personat me pasaportë shqiptare, apo me 90 ditorëshin. Në Greqi lejohet të hyjnë vetëm personat që kanë leje qëndrimi ose nënshtetësi Greke Për sa i përket personave që do lejohen të hynë në Greqi do duhet të kenë me vete këto dokumenta:Pasaportë Greke ose Pasaportë Shqiptare me leje qëndrimi PLF të plotësuar 24–72 orë përpara udhëtimit.
Të kenë bërë të dy vaksinat dhe të kenë kaluar 14 ditë nga data e vaksinës së fundit. Personat në fjalë duhet të kenë me vete certifikatë vaksinimi nga autoritete shtetërore ose e-albania në Gjuhën Angleze, ku do shkruhet emri mbiemri siç është në pasaportë, lloji i vaksinës, data e kryerjes së vaksinave. Në rast se nuk kanë vaksinë do duhen të ketë me vete test RT-PRC të bërë 24 deri në 72 orë përpara udhëtimit.
