Kina ka përfunduar ndërtimin e një spitali me 1,500 dhoma për pacientët me Covid-19 ,për të luftuar një rritje të infektimeve, për të cilat qeveria tha se janë më të vështira për t’u kontrolluar dhe që fajëson njerëzit e ardhur nga jashtë.
Spitali është një nga gjashtë spitalet e parashikuara pë tu ndërtuar, me një total prej 6,500 shtretërish që po ndërtohet në Nangong, në jug të Pekinit në provincën Hebei, tha agjencia zyrtare e lajmeve Xinhua.
Kina arriti të mbante nën kontroll koronavirusin që u zbulua për herë të parë në qytetin qendror të Wuhan në fund të vitit 2019, por ka pësuar një rritje të rasteve që nga Dhjetori. Një total prej 645 personash janë duke u trajtuar në Nangong dhe kryeqytetin e provincës Hebei, Shijiazhuang, shkruan The Indipendent.
Ndërkohë, një spital me 3,000 dhoma është në ndërtim e sipër në Shijiazhuang. Tufat e viruseve janë gjetur gjithashtu në Pekin dhe provincat e Heilongjiang dhe Liaoning në verilindje dhe Sichuan në jugperëndim.
Studiuesit e dërguar nga Organizata Botërore e Shëndetësisë janë në Wuhan duke u përgatitur për të hetuar origjinën e virusit. Ekipi, i cili mbërriti të Enjten, është nën një karantinë dy-javore, por pritet të flasi me ekspertë kinezë në video-konferencë.
