Në 24 orët e fundit, në vend u regjisruan 17 viktima nga Covid-19, numri më i lartë ditor që prej fillimit të pandemisë.
Zëvendës kryeministri, Erion Braçe, u bën apel qytetarëve që të respektojnë masat anti-covid, të shmangin daljet e panevojshme dhe të kufizohen takimet në mënyrë që të mbrojmë veten dhe familjarët.
Braçe kërkon nga qytetarët të kufizojnë daljet në kafe dhe restorante, takimet apo edhe vajtjet në qendra tregtare e pazare, kur ato nuk janë të domosdoshme.
Ai shprehet se është refuzuar mbyllja totale sërish e vendit, pasi kjo do të ishte një goditje për të gjithë.
“Më rëndë e më vështirë se sot, nuk ka qenë asnjëherë në 9 muaj! A do reagojmë apo do i lëshohemi sëmundjes? Gjithçka e kishim dhe e kemi ende ne në dorë; e di që është e vështirë kështu, por duhen kufizuar patjetër takimet jashtë shtëpie! Veç punës me masat e njohura të sigurisë-maskë, distancë, higjienë, çdo gjë tjetër duhet kufizuar; kemi refuzuar mbylljen, çfarë s’kemi thënë kundër saj, po i rezistojmë një mbylljeje të re tani, ama vetë, secili prej nesh, duhet të bej të tijen: të mbroj veten duke kufizuar takimet, prezencën në kafe, klube, restorante, qendra tregtare, pazare etj”, shkruan Braçe, në rrjetin social, Instagram.
View this post on Instagram
