Foto Galeri

Çmimi i “çmendur” i celularit të deputetit shqiptar, nga lëkura e viçit te ekrani me safir (foto)

               Publikuar në : 17:43 - 17/05/19 marsela

Nëse për një pjesë të popullsisë është luks që të përdorësh një celular iPhone, ka disa ‘personazhe’ të cilët nuk e kanë problem të shpenzojnë shuma marramendëse. I referohemi deputetit Kujtim Gjuzi, i cili e bëri publike në emisionin “Opinion”, se celulari i tij kap një shifër që nuk është e përballueshme për këdo.

Bëhet fjalë për celularin “Vertu”. Pas orës “Atlantic” dhe stilit të tij të ndryshëm të të veshurit, tërhoqi një vëmendje të madhe celulari i tij i markës ” Vertu”. Ai është shprehur se ky celular nuk i përkiste atij, por Partisë Konservatore.

Në “Opinion”, ai tregoi për karrierën politike. Ajo që bëri përshtypje ishte telefoni i tij, “Vertu”, që sipas tij kushton 7 mijë euro.

“Të jemi të kujdesshëm se e kam këtu celularin. 7 mijë euro celular, Partia Konservatore e ka celularin se kam unë. Është porosi, kuq e zi. Lene se është i veçantë”, tha ai, teksa u pyet dhe për orën “Atlantic” nga gazetari.

“Ti atëherë ke qenë shumë i ri. Ishit të tronditur kur filloi revolta. Ju s’na mbani mend neve. Vetëm pranë Partisë Demokratike që në ditët e para të saj”, i është drejtuar Gjuzi drejtuesit të emisionit. “Ashtu jam, si ushtar. Jam ekspert në fushën e ekonomisë, dhe ato që i thash guvernatorit në seancë, tha Gjuzi, ka të drejtë”, theksoi deputeti i ri. Sipas tij, profesioni i parë ka qenë rrobaqepës dhe tregoi se “Rama i ka qepur tek mua pantallonat e para, pastaj mësoi vetë”, ka thënë më pas ai.

“Telefoni që ke, në mos gaboj është “Vertu”?”, e pyeti Fevziu në “Opinion”, duke shtuar “mesa di unë, kushton mbi 10 mijë euro”.

“Po”, u përgjigj Gjuzi, “nuk kushton aq, kushton 7.000 euro. Por është telefoni i Partisë Konservatore”.

“Celulari është kuq e zi, është porosi e veçantë”, shtoi Gjuzi, teksa e ngriti me krenari telefonin në ajër.

Telefonat “Vertu” janë ndër më të shtrenjtët në botë, modelet e lyer me ar mund të shkojnë 7 deri në 10 mijë euro. Por disa modele të tjera me diamante, arrijnë edhe vlerën marramendëse të 100 mijë euro.

Cilat janë karakteristikat e këtij celulari?

Çmimi për këtë celular fillon nga 8 mijë dollarë, deri në 44 mijë dollarë, për modelet më të fundit. Pjesët anësore të tij janë të mbështjella me lëkurë viçi, hardhuce ose aligatori. Ekrani i saj është i përbërë nga safir 130-karatësh. Dhe nuk ka të bëjë vetëm me dizajnin, por edhe më anën teknologjike që ajo ofron. Ajo ka një procesor octa-core, me një ekran full HD, një kamera 21-megapixel; 4K për video. Ka një bateri e cila zgjat shumë gjatë, si dhe një cilësi maksimale të audios. Një rrjet i veçantë titani ndikon në përmirësimin e cilësisë së zërit.

 

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT