Kreu i Grupit Parlamentar të PS, Taulant Balla, është shprehur i prerë se Ilir Meta do të shkarkohet nga posti i Presidentit, pasi ka shkelur Kushtetutën.
Përpallë gazetarit Lutfi Dervishi, ai tha se kreu i Shtetit duhet ti bashkojë shqiptarët, e jo ti përçajë. “Nuk kemi asnjë nxitim, duam të kemi një president që t’i bashkojë shqiptarët, jo të jetë një prej kryetarëve të opozitës”, deklaroi Balla.
Gazetari Lutfi Dervishi këmbënguli sërish, duke e pyetur nëse Presidenti i ri, do të vijë nga opozita e re, e vjetër, shoqëria civile apo bota akademike. Në kundërpërgjigje, Balla tha se kryetari i ri i Shtetit do të jetë ai që zbaton Kushtetutën.
“Kryetari i ri i Shtetit për shqiptarët do të jete ai që zbaton Kushtetutën, nuk kemi asnjë njeri në mendje. Dua të shtoj se Ilir Meta ka humbur të drejtën për të vijuar për të qenë President, me një sjellje antikushtetuese, komunikim publik te papërshtatshëm dhe për dëmin qe i ka bërë Shqipërisë”, sqaroi Balla.
