Kronikë

Çifti italian me 2 fëmijët humbin rrugën gjatë natës në Mallakastër

               Publikuar në : 10:38 - 18/07/19 Enno

Një çift italian dhe dy fëmijët e tyre që kishin ardhur për turizëm në Shqipëri, teksa po eksploronin vendin, kanë humbur rrugën gjatë natës dhe për rrjedhojë kanë kërkuar ndihmën e policisë.

Shërbimet e Komisariatit të Policisë Mallakastër janë vënë në kërkim të turistëve dhe pas disa orë kërkimesh, familja u gjet në kushte të mira shëndetësore. Po ashtu, në ndihmë të turistëve italianë, iu erdhën dhe banorët e zonës Rabije në Fier.

“Shërbimet e Komisariatit të Policisë Mallakastër janë vënë në kërkim të turistëve dhe pas disa orë kërkimesh, turistët italian (burri, gruaja shtatzënë dhe 2 fëmijët) u gjetën në kushte të mira shëndetësore dhe momentalisht ndodhen në banesën e një banori të zonës i cili i mirëpriti ata në shtëpinë e tij”, thuhet në njoftimin e policisë së Fierit.

Policia falënderon banorët e zonës për mikpritjen dhe ndihmën e dhënë në gjetjen e turistëve të huaj.

Kthehu
WhatsApp Denonco ne TT