Mjeku Edvin Prifti në rrjetin social Facebook ka publikuar një “deduksion personal” që lidhet me koronavirusin dhe radioaktivitetin e Chernobyl.
“Çfarë rusët dinë dhe ne jo?”, kështu e nis postimin e tij mjeku i njohur, teksa në vijim shtron një tjetër pyetje: “Si ka mundësi që Ukraina, Bjellorusia, Moldavia, Gjeorgjia dhe në përgjithësi e giithë Evropa Lindore përfshirë dhe ne, vende të cilat u prekën realisht nga radioaktiviteti i Chernobyl, janë më pak të prekura nga SARS-CoV-2?”
Reagimi i plotë i Edvin Priftit:
“Çfarë rusët dinë dhe ne jo?
A mundet që zjarri i pyjeve në Chernobyl i pesë ditëve më parë të jetë rastësor?
Radioaktiviteti është rritur 16 herë më shumë pas djegies së këtyre pyjeve. Mos vallë është një mënyrë mbrojtëse e aplikuar nga autoritetet përkatëse?
Si ka mundësi që Ukraina, Bjellorusia, Moldavia, Gjeorgjia dhe në përgjithësi e giithë Evropa Lindore përfshirë dhe ne, vende të cilat u prekën realisht nga radioaktiviteti i Chernobyl janë më pak të prekura nga SARS-CoV-2, dhe vdekshmëria më e ulët?
Që radioaktiviteti inaktivizon viruset kjo dihet tashmë. Mbase vepron edhe tek SARS-CoV-2?
Mos marrja e masave nga ana e Bjellorusisë ka të bëjë me një vendim prej të marri nga ana e Presidentit të atij vendi apo ka një shkak real pasi radioaktiviteti nga Chernobyl vazhdon të jetë aktiv për dhjetra vjet pas shpërthimit?
Mos vallë i njëjti skenar ka ndodhur edhe në Japoni pas shpërthimit të reaktorit në Fukushima?
Mbase teoria e radioaktivitetit që e inaktivizon SARS-CoV-2 në gjendje të lirë është më probabël se teoritë e tjera?!
Radioaktiviteti është treguar vdekjeprurës aq edhe shërues dhe shërbyes ndaj njerëzimit. Ky është thjesht një deduksion personal që koha do tregojë nëse është thjesht i tillë apo i vërtetë?! Ose mbase vetë radioaktiviteti shkakton mutacione duke sjellë një formë më të dobët të virusit? Kjo duhet vlerësuar!
Shikoni ju lutem… Kazakistani vendi i poligoneve atomike se çfarë vdekshmërie ka?
Polinezis france poligoni atomik i France- 0 vdekje. Mbase janë rastësi, por dikushi duhet t’i studiojë?!”
