Manchester City është në prag të arritjes në finalen e parë për ta të UEFA Champions League, por Paris Saint-Germain ka në dispozicion një hedhje të fundit të zareve në këtë gjysmëfinale sonte.
PSG duket se ishte në kontroll të përballjes në mes të ndeshjes së parë, me ekipin e Mauricio Pochettino që kryesoi me meritë 1-0 në Paris në pjesën e parë falë një goditjeje me kokë nga Marquinhos.
Sidoqoftë, skuadra e Pep Guardiolës u rikthye pas pushimit me Kevin De Bruyne dhe Riyad Mahrez duke shënuar dy gola të vlefshëm për City-n, ndërsa Idrissa Gueye u nxorr me të kuq për një goditje të tmerrshme ndaj Ilkay Gundogan.
Rezultati 2-1 e lë Cityn si favoritin e madh për të arritur një finale kundër Chelsea-t ose Real Madridit, por së pari ata duhet të mbajnë nën zgjedhë Neymar dhe Kylian Mbappe për 90 minuta të tjera.
Manchester City vs PSG është planifikuar të fillojë në 21:00 të martën e 4 majit 2021.
Ndeshja do të zhvillohet me dyer të mbyllura në Manchester Etihad Stadium.
Formacionet e mundshme:
Man City: Ederson; Walker, Stones, Dias, Cancelo; Bernardo, Rodri, Gundogan; Mahrez, De Bruyne, Foden
PSG: Navas, Florenzi, Marquinhos, Kimpembe, Bakker, Paredes, Verratti, Draxler, Di Maria, Mbappe, Neymar
