PSG dhuron spektakël në këtë pjesë të parë në raundin e pestë të Champions League përballë Celtic në Francë. Ka qenë një gol mjaft i shpejtë nga Dembele për miqtë që ka nxehur gjakrat e yjeve të Parisit të cilët kanë shënuar plot katër herë në këtë pjesë të parë. Padyshim Neymar është lojtari më i mirë në fushë pasi ka shënuar dy gola dhe ka asistuar në golin e shënuar nga Cavani. E gjithë loja e PSG nis nga këmbët e yllit brazilian.
Neymar ka barazuar rezultatin në minutën e 9’, pas një pasimi mjaft të mirë nga Rabiot. Ylli brazilian edhe pse nga një pozicion i vështirë arrin ta dërgojë topin në rrjetë.
Ndërsa në minutën e 22’ është sërish ai që shënon golin e avantazhit. Këtë herë janë disa kombinime perfekte me Verratin që e nxjerrin para portës Neymar, ku nuk gabon por mposht për herë të dytë portierin e Celtic.
Cavani do të gjejë rrugën e rrjetës për të tretën herë për parisienët, pas një asistimi me kokë nga Neymar.
Ndërsa për ta çuar në 4-0 ka menduar Mbappe, i cili bën një goditje mjaft të mirë nga brenda zone, edhe pse e devijon pak portieri topi përfundon në rrjetë.
Sporting 2-0 Olympiacos
Portugezët janë duke dominua në këtë ndeshje me rezultatin dy me zero dhe qëndrojnë aktualisht në këtë ndeshje me një pikë diferencë pas Juventusit. Këta të fundit janë duke barazuar pa gola përballë Barcelonës në “Juve Stadio”.
Atletico Madrid 0-0 Roma
Barazim pa gola është mbyllur pjesa e parë mes Atleticos së Simeones dhe Romës së Di Fracescos. Me këtë rezultat spanjollët janë matematikisht jashtë Champions League, ndërsa Roma humb vendin e parë të zënë nga Chelsea. Los colchoneros u është anuluar një gol nga gjyqtari pasi ka pasur një prekje me dorë jashtë zone.
Juventus 0-0 Barcelona
Pjesa e parë është mbyllur në barazim pa gola, me një Juve tepër sulmuese por që vuan shumë për të gjetur rrugën e rrjetës. Barcelona është e kënaqur edhe me barazimin, prandaj Valverde e ka ulur në stol yllin e ekipit Leo Messin.
