Një grua në moshë, simpatizante e PS-së është përplasur me protestues të PD-së dhe LSI-së. Mësohet se gruaja ka kërkuar llogari për 21 janarin, gjë që ka shkaktuar reagimin e ish-kreut të Policisë Bashkiake, Florenc Hoxha.
“Përse bëhet protesta në vendin ku u vranë 4 vetë? Turp, nuk keni moral”, është shprehur ajo, por menjëherë i janë kthyer mbështetës të PD-së, mes tyre Florenc Hoxha. Ky i fundit i ka kërkuar që të largohet dhe e ka shtyrë.
Në video shihet sesi një nga protestueset e opozitës tenton ta godasë të moshuarën e cila merret në mbrojtje nga policia. Mësohet se zonja është shoqëruar në komisariatin numër 1, ndërsa ky ka qenë incidenti i vetëm i protestës së sotma, teksa turma është shpërndarë me qetësi pas përfundimit të fjalës së Bashës.
Më poshtë momenti i përplasjes, publikuar nga Report TV:
