Eksperti i Ekonomisë në Partinë Demokratike, Dorian Teliti ka komentuar vendimin e kryeministrit Rama për t’i falur qiranë disa kategorive të caktuara të qytetarëve.
Përmes një postimi në Twitter, Teliti shprehet se kur vjen puna te pagesat e faturave të ujit dhe dritave, nuk ka lëshime por te qiratë po.
“Qira mos paguani ama drita dhe ujë po. Çfarë shteti është ky? Kur vjen puna te faturat Rama thotë me dhunë do t’i paguani se më duhen lekët…ama qiratë mos i paguani!”, shkruan Teliti në postimin e tij.
Kreu i qeverisë tha sot se do të ndalohen pagesat e qirave nga ana e bizneseve të vogla, familjarëve të regjistruar që e kanë ndaluar punën për shkak të koronavirusit si dhe për studentët që jetojnë me qira.
