Kryeministri Zoran Zaev njoftoi se do të propozojë që vendi të shkojë në zgjedhje të parakohshme parlamentare, nisur nga fakti që BE nuk pranoi hapjen e negociatave me Maqedoninë e Veriut.
Sot, presidenti Stevo Pendarovski ka thirrur në një takim liderët e partive. Gjatë takimit në fjalë, kryeministri i Maqedonisë së Veriut, Zoran Zaev, do të hedhë në tryezë propozimin për ta çuar vendin në zgjedhje të parakohshme.
Gjatë ditës së djeshme, Zaev zhvilloi konsultime brenda dhe jashtë shtetit për hapat e ardhshëm, ku ka takuar edhe partnerin e koalicionin, kreun e BDI-së, Ali Ahmetin.
Vetë ky i fundit u shpreh se partia është e gatshme të shkojë në zgjedhje të parakohshme, duke e cilësuar atë si zgjidhjen më të mirë pas vetos së Francës për shtyrjen e negociatave.
