Kryeministri Rama po zhvillon një takim me ambasadorët e akredituar në Tiranë për t’i informuar në lidhje me nisjen e negociatave me kryetarin e PD-së, Lulzim Basha, ditën e sotme.
Rama është në takim me ambasadorët e SHBA, BE dhe OSBE. Mediet janë në pritje të një zgjidhjeje të problemit për të pasur zgjedhje të lira dhe të ndershme.
Para takimit me ambasadorët Rama ishte në Xibrakë, ku prezantoi kandidatët për deputetë të PS-së. Rama u ka bërë thirrje strukturave vendore që të bëjnë maksimumin për një pjesëmarrje masive në procesin zgjedhor. Ai theksoi se nuk i duhen ato vota që nuk u përkasin. Rama garantoi banorët se Partia Socilaiste nuk do të lejojë asnjë abuzim në zgjedhjet e 18 qershorit. Kryeministri i siguroi banorët se data e zgjedhjeve nuk do të shtyhet dhe bëri thirrje që të zgjidhen komisionerë perfekt për standarde të larta zgjedhore.
