Mbledhja e Këshillit Politik të Reformës Zgjedhore e parashikuar për në orën 17:00, është shtyrë për në orën 19:00.
Raportohet se kjo shtyrje ka ardhur me kërkesë të përfaqësuesit socialist Damian Gjiknuri.
Thuhet se kjo kohë po shfrytëzohet për një komunikim intensiv mes palëve, të cilët janë në negociata me shpresën për të arritur një marrëveshje konsensuale.
Megjithatë edhe pse po kërkohet dakordësia mes palëve, mazhoranca nuk e ka përjashtuar mundësinë që të çojë në Kuvend dhe të miratojë reformën pa marrëveshjen e opozitës.
