Kryeministria është gdhirë sot me një pamje të pazakontë. Ajo ka qenë e rrethuar me makina të vjetra dhe luksoze, duke shkaktuar habinë e kalimtarëve.
Gjithçka është në fakt, një nismë e drejtorit të Përgjithshëm të Patentave, Blendi Gonxhe, për të sjellë diçka të bukur dhe nostalgjike.
“RETRO lindi për të jetësuar një trashëgimi deri sot pa status dhe për të promovuar e ekspozuar sa më shumë mjete dhe kujtesë automotorizimi me interes historik, si dhe për të ofruar informacione, shërbime dhe lehtësira për këtë aktivitet pasionant me ndjeshmëri kaq të veçantë”, shkruhet në faqen zyrtare të Retro, e cila ka ekspozuar makinat në fotot e mëposhtme, para Kryeministrisë.
