Kina ka shënuar sërish rritje të rasteve me COVID-19.
Komisioni Kombëtar i Shëndetësisë njofton se 46 persona u diagnostikuan së fundmi me koronavirus, 42 prej të cilëve ishin udhëtarë nga jashtë, pas hapjes së kufijve.
Autoritetet sqarojnë se pjesa më e madhe e të të infektuarve janë raste të importuara dhe asimptomatikë.
Situata më problematike raportohet në provincën Heilogjiang.
Në këtë provincë vetëm ditën e fundit hynë 22 persona të infektuar.
Kujtojmë se numri i personave të prekur nga COVID-19 në Kinë ka shkuar në 81 953, ndërsa regjistrohen 3339 viktima.
