Një 34-vjecare humbi betejën me COVID-19. Më herët, OBSH dhe specialistët e mjekësisë kanë raportuar se të rinjtë janë më rezistentë, por jo të paprekshëm.
Të dhënat e fundit të përcjella nga Ministria e Shëndetësisë, dëshmojnë se edhe të rinjtë janë të rrezikuar.
Shumë të rinj tregohen të shkujdesur, pasi ekziston një perceptim i gjërë se nuk janë të rrezikuar. Pas rastit të sotëm të 34-vjeçares nga Librazhdi, është koha të tregojmë të gjithë kujdes!
34-vjeçarja ishte shtruar në shërbimin Infektiv prej disa ditësh. Pavarësisht përkujdesjes së mjekëve, nuk ka mundur të mbijetojë. E ndjera vuante nga insuficenca renale kronike, diabeti dhe hipertensioni.
Në përditësimin e radhës, Ministria njoftoi se vijon të ketë sërish shtrime të reja në spitalin Infektiv, ku aktualisht po trajtohen 82 pacientë, 14 prej tyre janë në terapi intensive.
