Kancelarja gjermane, Angela Merkel ndodhet në vetëkarantinim në shtëpinë e saj, pas kontaktit që pati me një mjek që rezultoi pozitiv me koronavirus.
Merkel iu nënshtrua analizave të cilat treguan se ajo nuk ishte prekur nga koronavirusi. Mirëpo mediat gjermane bëjnë me dije se ajo i është nënshtruar një tjetër testi për Covid-19.
Edhe përgjigjet e testit të dytë kanë dalë negative, duke konfirmuar se Merkel nuk është prekur nga virusi vdekjeprurës.
Por pavarësisht kësaj, Merkel vijon të qëndrojë në izolim duke punuar që nga shtëpia e saj. Një zëdhënës i qeverisë gjermane bëri me dije se kancelarja do të testohet sërish në fillim të javës tjetër.
“Kancelarja vazhdon të punojë nga karantina në shtëpi dhe do të testohet përsëri në fillim të javës tjetër”, tha zëdhënësi.
