Presidenti Meta ka zhvilluar mbrëmjen e sotme një takim ‘kokë më kokë’ me kryedemokratin Basha. Takimi mes palëve vjen një ditë pas manifestimit. Takimi i zhvilluar larg syrit të medias ka zgjatur rreth 60 minuta, dhe mendohet të jetë diskutuar në lidhje me manifestimin që u zhvillua një ditë më parë, dhe hapat që do të ndiqen më pas.
Meta u takua me kreun demokrat edhe para tubimit të së hënës, ndërsa Basha ishte i pranishëm në manifestim së bashku me kryetaren e Lëvizjes Socialiste për Integrim, Monika Kryemadhi.
Në tubimin e 2 marsit, Meta firmosi para sovranit dekretin e tij të parë për rrëzimin e marrjes së kompetencave të Presidentit për betimin e anëtarëve të Gjykatës Kushtetuese.
Ai paralajmëroi mazhorancën se nëse nuk ka reflektim nga ana e saj brenda 15 marsit dhe të tërhiqet nga veprimet e saj antikushtetuese, do të firmosë në të njëjtën mënyrë, para popullit, dekretin për shpërndarjen e Parlamentit në mes të Kuvendit.
