Fillimisht u përfol se një person i vetëm, i ka zënë pritë biznesmenit Gëzim Balla në Bulqizë, dhe ka tentuar që ta eliminojë. Por detajet e reja që vijnë për këtë drejtim, nxjerrin të pah një tjetër rrjedhë ngjarje. Të shtënat me armë kanë qënë në ajër dhe jo ndaj ndërtuesit Gëzim Balla, raporton “BalkanWeb”.
Biznesmeni nga Bulqiza, Gëzim Balla, i është drejtuar rajonit të policisë pasditen e sotme, ku ka thënë se një persosn e shqetësonte. Një person e merrte në telefon, dhe i kërkonte një shumë lekësh. Në të kundërt e kërcënonte me jetë.
Pas marrjes së kallzimit, policia ka kryer veprimet proceduriale dhe ka vënë në përgjim telefonin e biznesmenit. Pas telefonatës me të dyshuarin, policia ka identifikuar personin që e kërcënonte dhe për arrestimin e tij ka bashkëpunuar me biznesmenin, duke e thirrur në takim për t’i dhënë paratë e kërkuara. Kërcënuesi i ka kërkuar bizmesmenit që të ngjitej në kodër. Kur ka parë se shoqëruesit ishin punonjës policie, është larguar nga vendngjarja duke shtënë në ajër. Aktualisht policia po kreh zonën, për arrestimin e kërcënuesit.
