“Tirana Today” po ju sjell zhvillimet kryesore të ndodhura një ditë më parë në Shqipëri.
1-Krimi në familje ka tronditur Shkodrën. Fabjan Vukaj 55-vjeç ka vrarë me thikë motrën e tij Diana Vukaj 58-vjeçe, dhe e ka mbajtur për 3 ditë brenda në shtëpi. Viktima jetonte në Gjermani, dhe sa herë që vinte kishte konflikte me të vëllanë.
2-Vritet me armë biznesmeni Gramoz Memaj, 40-vjeç, në Ksamil. Ai është qëlluar pranë shtëpisë. Dyshohet se kanë qenë 4 persona që kanë qëlluar drejt tij.
3-Një lajm i pavërtetë për vdekjen e aktorit të njohur Mirush Kabashi u raportua në disa media. Aktori gëzon shëndet të plotë, ndërsa e ka pritur lajmin me buzëqeshje.
4-Shqipëria ka ndaluar me një pjesë të mirë të vendeve evropiane dhe rajonit importimin e shpendëve shtëpiakë dhe të egër, mishin dhe nënproduktet e tyre.
5-Mal i Zi hap kufijtë, shqiptarët mund të kalojnë pa asnjë test.
6-Greqia shtyn vendimin për hapjen e kufirit greko-shqiptar deri më 14 qershor.
7-Lajm i mirë nga spitalet COVID. Ministria e Shëndetësisë raportoi 5 raste të reja dhe fatmirësisht asnjë humbje jete nga COVID-19.
8- Sot do të nisë “fshesa” për ndërtimet pa leje në vijën bregdetare e paralajmëruar nga kryeministri Edi Rama pak javë më parë. Aksioni do të nisë në dy skajet e bregdetit në veri dhe jug, përkatësisht nga Velipoja dhe Ksamili.
