Drejtori i Zyrës së Organizatës Botërore të Shëndetësisë (OBSH), Hans Kluge deklaroi sot se më shumë se 95% e të vdekurve nga koronavirusi në Evropë kanë qenë mbi 60-vjeç.
Por pavarësisht këtyre statistikave, ai theksoi se është një koncept i gabuar që koronavirusi prek vetëm njerëzit e moshuar. Sipas tij, mosha nuk është rreziku i vetëm kur vjen puna te COVID-19.
“Ideja që COVID-19 prek vetëm njerëzit e moshuar është e gabuar. Të rinjtë nuk janë të pathyeshëm”, tha Kluge në një konferencë online për shtyp, në Kopenhagë.
Kluge u shpreh se 80 % e të vdekurve kanë qenë të moshës mbi 80-vjeç, të cilët kishin edhe sëmundje të tjera, siç janë problemet kardiovaskulare, hipertensioni ose diabeti.
“Ka raste të rënda të sëmundjes tek adoleshentët mbi moshën 20-vjeçare, shumica kanë nevojë për kujdes intensiv, ndërsa disa fatkeqësisht kanë vdekur”, tha ai.
Sipas OBSH, 10 deri në 15 % e të infektuarve janë më të rinj se mosha 50-vjeçare
Numri i të infektuarve nga koronavirusi ka arritur kulmin e tij. Deri më tani janë raportuar më shumë se 966 mijë raste infektimi, ndërsa kanë ndërruar jetë 49,925 njerëz.
Pse rrogat rriten në letra, por varfëria rritet në realitet?
