Gazetari Artan Hoxha do jetë pjesë e një projekti të televizionin ‘France 3’, i cili synon promovimin e vendit tonë.
Duke marrë shkas nga ky koment, një nga ndjekësit e tij në Facebook e ka pyetur se çfarë mendimi kanë francezët për SPAK. Gazetari ka folur pa ‘doreza’, ku citon se francezët janë të mendimit se duhen kapur së pari peshqit e mëdhenj që kanë grabitur paratë e shqiptarëve, dhe kanë 30 vite që e mbajnë peng vendin.
“Francezët mendojnë se duhen kapur peshkaqenët e mëdhenj që kanë grabitur paratë e shqiptarëve dhe kanë 30 vite që mbajnë peng vendin. Pastaj duhen arrestuar ata që u shërbejnë duke e bërë të zezën të bardhë, duke thënë që në këtë vend nuk ka krim nuk ka korrupsion dhe qe udhëheqësi është lider global…”, shkruan gazetari.
Aksionet e ditëve të fundit kanë nxjerrë peshqit e rrjetës së zakonshme. Peshqit e mëdhenj janë të “fortët”, trafikantët, mafiozët. Me operacionet e fundit, janë dhënë provat se aksioni ka nisur.
