20 persona janë arrestuar nga Policia e Barit, në Itali.
Ata akuzohen se kanë trafikuar armë dhe drogë nga Shqipëria drejt Italisë.
Sipas “Corriere della Sera”, urdhërarrestet janë ekzekutuar nga Guardia di Finanza, ndërsa hetimet për rastin janë kryer nga Antimafia e Barit.
Sipas kësaj të fundit ka prova të mjaftueshme që vërtetojnë se personat e arrestuar, prej dy vitesh kanë trafikuar tonelata marijuanë, pistoleta dhe pushkë automatike drejt Italisë.
Nuk ka ende detaje për kombësinë e personave të përfshirë, por sipas mediave italiane në vendin fqinj po kryhet edhe një operacion për sekuestrimin e pasurisë së vënë nga veprimtaria kriminale.
