Sa herë që politikanët do të diskutojnë për çështjen “Tahiti” shou televiziv është i garantuar. Këtë herë është përplasur deputeti i Partisë Demokratike, Ervin Salianji me deputeten e Partisë Socialiste, Klotilda Ferhati. Në një përballje në “Studion e Hapur” me Eni Vasilin në “News 24” Salianji akuzoi me tone të forta maxhoranës se po mbron ish-ministrin e Brendshëm Saimir Tahiri.
Salianji theksoi se edhe pse në Kuvend PS votoi që Tahirit t’i pengohej udhëtimi jashtë vendit, ai doli për 3 ditë nga Shqipëria.
Kaq ka mjaftuar që deputetja socialiste, Ferhati t’i kundërpërgjigjet Salianjit, duke shtuar se Kuvendi jep autorizim dhe nuk është gjykatë.
DEBATET
Salinaji: Kjo zonja që bën si juriste e madhe, ka shkruan ndalimin e daljes jashtë shtetit të Saimir Tahiri, ai të iki jashtë. S’të pyeti fare.
Fehrati: Po ca thua, s’ke turp ore zotëri, se je dhe jurist.
Salinaji: Po na e thuaj
Fehrati: Ne kemi kërkuar hetimin e plotë dhe i kemi thënë të drejtën prokurorisë që zoti Tahiri të hetohet i plotë. Prokurori ka të drejtë që të kryejë të gjitha procedurat. Kemi thënë që të kontrollohet apo dhe të ndalohet që të dalë nga Shqipëria. Kuvendi jep autorizim dhe nuk është gjykatë. Prokuroria nuk e ushtroi të drejtën që të kërkonte ndalimin e tij.
Fehrati: Mos u skuq shumë
Salianji: Unë as nuk skuqem, kjo është për t’u nxirë
Fehrati: Pusho tani. Më lerë të flas. Këto çështje janë në hetim. Prit përgjigje nga prokuroria.
Salianji: A është trafikant Tahiri apo ?
Fehrati: Unë nuk flas pa folur prokuroria. Nuk prezumoj.
