Ka nisur me debate të ashpra seanca dëgjimore me Ministren e Kulturës Mirela Kumbaro në Komisionin për Edukimin dhe Mjetet e Informimit Publik.
Nga ana e opozitës i ishin drejtuar disa pyetje, ku ndër to ishin:
– Pse e nxori Rama nga zona e mbrojtur?
– Do të prishet Teatri?
– Do ta tjetërsojnë pronën publike?
– Kush e ka porositur projektit?
– Kush është formula për PPP (Partneritetin Publik Privat) të rradhës, etj.
Kryetarja e komisionit Albana Vokshi në nisje të seancës insistoi në pyetjen, drejtuar ministre se: A do shembte teatri apo jo? Por, këtu hasi një debat me ministren që refuzoi t’i përgjigjej në mënyrë të drejtpërdrejtë.
Albana Vokshi: A do shembet teatri?
Mirela Kumbaro: Nuk diktoj mënyrën si bëni pyetjet. Ju nuk më diktoni përgjigjen.
Albana Vokshi: Përgjigjuni pyetjes?
Mirela Kumbaro: Zonja Vokshi më jepni rastin të flas.
Albana Vokshi: Këtu mbledhjen e drejtoj unë. Pyetjen e bëj unë: A do të shembet teatri?
Ismet Beqiri: Ti je rrezik të shkatërrosh dhe muret jo më nervat tona. Lerë zonjën ministre të përgjigjet. Boll të lutem!
Albana Vokshin: Ule zërin!
Ismet Beqiri: Kjo është diktaturë. Mjerë populli thotë po të vijë Albana në pushtet. Ke bërë 11 pyetje. Më hoqe trurin….
Albana Vokshi: E kuptoj që e keni me siklet, por lërjani kryeministrit sikletin
Mirela Kumbaro: Nuk kam asnjë lloj sikleti. Ndryshimi i VKM nuk kishte synim për të nxjerrë asnjë objekt specifik qoftë të Teatrit Kombëtar. Ajo VKM kishte shumë pasaktësi….
Albana Vokshi: Nuk po i përgjigjeni ende 100 herë ju pyeta. E kuptoj dhe sikletin
Mirela Kumbaro: Nuk kam asnjë lloj sikleti. TIRANA TODAY
