Komisioneri Shtetëror i Zgjedhjeve, Ilirjan Celibashi, ka deklaruar se cenimi i votës së çdo kandidati do të pasojë me sanksion penal, me një dënim prej shtatë vitesh burg.
Celibashi theksoi se KQZ disponon pamjet filmike të çdo vote që po numërohet pas fazës së përmbylljes së numërimit të votave për subjektet politike.
“Cënimi i votës së çdo kandidati do të ketë si pasojë sanksion penal deri në 7 vite burgim, për këdo nga numëruesit apo komisionerët e përfshirë. KQZ disponon pamjet filmike të vlerësimit e çdo vote, të bërë në fazën e nxjerrjes së rezultatit për partitë dhe koalicionet”, tha Celibashi.
