Valdete Hoxha është gjyqtarja e tretë e caktuar nga Këshilli i Lartë Gjyqësor, për procesin gjyqësor të Emiljano Shullazit dhe bandës së tij. Hoxha është gjyqtare pranë Apelit të Krimeve të Rënda.
Procesi ishte shtyrë për disa seanca, pasi nuk plotësohej trupa për shkak të largimit të gjyqtares Saida Dollani. Kjo e fundit është kallëzuar penalisht nga Blerim Shullazi për shpërdorim detyre.
Emiljano Shullazi bashkë me grupin e tij, u dënuan në nëntor te viti 2018 me 55 vite burg. Ata u shpallën fajtorë nga Gjykata për veprën penale “shtrëngim me anë të kanosjes për dhënin e pasurisë”, në dëm të Ylvi Beqajt. Kjo vepër penale, sipas Gjykatës, është kryer në formën e grupit të strukturuar kriminal. Pas dënimit nga Shkalla e parë, grupi i Shullazit e apeloi vendimin, që vijon të zvarritet.
