Aurelio De Laurentis ka folur për disa nga çështjet më të “nxehta” në futbollin italian. Largimi i De Rossit nga Roma dhe shkarkimi i Allegrit nga drejtimi i Juventusit.
“De Rosin do e merrja menjëherë. Edhe me probleme fizike, është një sportist profesionist. Jam i bindur se do mbetet një fitues edhe në skuadrën e re”. Është ky mendimi i De Laurentis, presidentit të Napolit, mbi kapitenin e Romës. Mbyll mendimin me një batutë:
“A mos kanë shitur gjë Romën!”, duke nënvizuar rëndësinë e mesfushorit në klubin verdhekuq. Më tej, radha i ka takuar Mauro Icardit: “E dëshiroja tri vite më parë, kur e kontaktova. Sot në atë pozicion kemi Milikun, një sulmues të madh”.
NAPOLI DHE ALEGRI – Mbi sezonin e Napolit: “Mendoj se nuk mund të ketë zhgënjime për një klub që merr pjesë në Europë prej 10 vitesh”. Lamtumira e Allegrit: “Problemi qëndron se pas pesë vitesh është e vështirë të motivosh lojtarët dhe publikun. Agneli mbajti një fjalim të pagabueshëm, ku u shpreh se klubi është në qendër të çdo vendimi.
Për të ecur përpara, nevojitet një rinovim. Mendoj se Allegri shkon te Bayerni ose PSG-ja: konsideroj gjermanët si destinacionin më korrekt për një trajner si ai, vetëm atje do mund të fitojë Ligën e Kampionëve”.