Në datë 9 qershor në orën 10:00, pritet që të mblidhet Kuvendi në seancë parlamentare për të vendosur në lidhje me nismën e mazhorancës për shkarkimin e Metës.
Në datën 8 maj, Kuvendi i Shqipërisë me iniciativë të 49 deputetëve të PS ngriti një Komision Hetimor, i cili kishte si objekt dhe mision hetimin e veprimtarisë së presidentit Meta, para gjatë fushatës dhe heshtjes zgjedhore sa i takon zgjedhjeve parlamentare të 25 prillit.
Komisioni votoi një raport përmes të cilit do t’i kërkojë Parlamentit të Shqipërisë, që të votojë pro shkarkimit të kreut të shtetit, Ilir Meta nga detyra.
Njoftimi i Kuvendit
Konferenca e Kryetarëve caktoi datën e votimit të kërkesës për shkarkimin nga detyra të Presidentit të Republikës. Nën drejtimin e Kryetarit të Kuvendit, z. Gramoz Ruçi, u zhvillua mbledhja e Konferencës së Kryetarëve.
Konferenca vendosi që seanca plenare për shqyrtimin e kërkesës së një grupi deputetësh për shkarkimin nga detyra të Presidentit të Republikës, të zhvillohet në datën 9 qershor, ditën e mërkurë, në orën 10:00.
