Gjatë qëndrimit të tij në Zagreb, ministri i Jashtëm në Detyrë, Gent Cakaj zhvilloi një bashkëbisedim me kryeministrin e Kroacisë, Andrej Plenković.
Përmes një postimi në “Facebook”, Cakaj thekson se Kroacia, jo vetëm mbështet hapjen e menjëhershme të negociatave për anëtarësim në Bashkimin Evropian për Shqipërinë, por do të jetë një “zë i fuqishëm edhe gjatë Presidencës së saj të Këshillit të BE-së 2020”.
“Në takim u dakorduam për të zbatuar objektivat e përcaktuara në kuadër të partneritetit strategjik të firmosur mes dy vendeve në dhjetor 2018. Ramë dakord për një qasje më dinamike dhe një bashkëpunim të shtuar në fushën e ndërlidhjes infrastrukturore, zhvillimit ekonomik dhe politikave të sigurisë”, shkruan Cakaj.
