Ministri i Jashtëm në detyrë, Genc Cakaj ka takuar ditën e sotme Komisionerin për Zgjerimin në Bashkimin Europian, Johannes Hahn. Në një postim në Twitter, Cakaj shkruan se theksi i diskutimeve u vendos tek arritjet thelbësore të Shqipërisë në lidhje me Reformën në Drejtësi.
Më tej, ministri në detyrë shton se vendi ka mbështetjen e Hahn për vazhdimin e fazave drejt anëtarësimit në BE dhe moslejimin e “përpjekjeve për të destabilizuar dhe minuar progresin tonë drejt fazës tjetër të anëtarësimit në BE”.
“Diskutim i mirë me @JHahnEU. Nënvizuam arritjet thelbësore të Shqipërisë në reformat që kanë të bëjnë me drejtësinë dhe kontributin tonë në stabilitetin rajonal. Mirëpritëm mbështetjen e tij për të kundërshtuar dhe rezistuar çdo përpjekje për të destabilizuar dhe minuar progresin tonë drejt fazës tjetër të anëtarësimit në BE”, shkruan Cakaj.
