Sot në Tiranë u mbajt një konferencë e përbashkët e përfaqësuesve politikë të shqiptarëve të rajonit.
“Roli i Shqipërisë në promovimin e interesave kombëtare të shqiptarëve në hapësirën e Ballkanit Perëndimor”, ishte tema e konferencës.
Një theks i veçantë u vendos në unifikimin e politikës së jashtme mes Republikës së Kosovës dhe Republikës së Shqipërisë.
Cakaj u shpreh se bashkërendimi i plotë dhe ndërlidhja e objektivave në politikën e jashtme të Shqipërisë është e domosdoshme për shqiptarët dhe gjithashtu shumë e dobishme për vetë rajonin.
“Më shumë se vetëm Komision të Përbashkët, pa dyshim, ka nevojë për unifikim të plotë të politikës së jashtme nëpërmes ndërlidhjes së dy Ministrive. Marrëveshja e firmosur në Maj është një pikëfillim i vyer që gjithsesi duhet të plotësohet me masa shtesë e zbatohet me efiçencë të plotë”, tha Cakaj.
