Ministri Gent Cakaj, ka bërë me dije se grupi negociator për bisedimet e aderimit në BE është ngritur. Ai njoftoin me anë të një postimi në rrjetet sociale, se grupi negociator është i përbërë nga një skuadër e rrallë profesionistësh, të të gjitha fushave.
Cakaj sqaron më tej se grupi negociator, do të kryejë detyrën e lartë, për të zhvilluar bisedimet për anëtarësim në Bashkimin Evropian. Ministri për Punët e Jashtme shprehet besimplotë se ky grup gëzon profesionalizmin e nevojshëm e integritetin e duhur, për ta udhëhequr këtë proces!
Statusi
Një lajm i mirë më shumë për Shqipërinë…
Ne tashmë kemi ngritur grupin negociator të Shqipërisë, përgjegjës për zhvillimin e bisedave të aderimit në Bashkimin Evropian!
Grupi negociator, i përbërë nga një skuadër e rrallë profesionistësh të të gjitha fushave, do të kryejë detyrën e lartë për të zhvilluar bisedimet për anëtarësim në Bashkimin Evropian.
Ky grup gëzon profesionalizmin e nevojshëm e integritetin e duhur për ta udhëhequr këtë proces!
Puna e tij duhet të mbështetet nga të gjithë pa përjashtim, ashtu sikurse bashkëpunimi në fushën e integrimit duhet t’i bashkojë të gjithë, pavarësisht dallimeve partiake, sepse synimi për anëtarësim në BE është interes themelor e vlerë kombëtare e Shqipërisë ????!
