Ministri i Jashtëm, Gent Cakaj, ka publikuar në Facebook foton me ekselentët dhe specialistët e rinj, të cilët do të shërbejnë në diplomacinë shqiptare. Për të, të rinjtë në diplomaci janë një vlerë e shtuar, e ndërsa premton se kjo qasje do të vijojë më tej.
Cakaj shprehet më tej se plotësimi i kuadrit diplomatik, është pjesë e strategjisë së Ministrisë për Evropën dhe Punët e Jashtme. Kjo për të krijuar hapësirë më të madhe angazhimi, për një gjeneratë të re ekselente dhe siguruar një profesionalizëm më të lartë në diplomacinë shqiptare.
Postimi i Cakajt:
Pafundësisht i gëzuar me ardhjen e ekselentëve e specialistëve të rinj në diplomacinë shqiptare ..
Plotësimi i kuadrit diplomatik është pjesë e strategjisë së Ministrisë për Evropën dhe Punët e Jashtme, për të krijuar hapësirë më të madhe angazhimi për një gjeneratë të re ekselente dhe siguruar një profesionalizëm më të lartë në diplomacinë shqiptare.
Kjo qasje do të vazhdojë edhe më tutje.
Numri i të rinjve në diplomaci do të rritet më shumë dhe thirrja e ardhshme publike për aplikim në Ministrinë për Evropën dhe Punët e Jashtme do të bëhet së shpejti…
