E martë, 9 Mars, 2021
8 C
Tirana

“Ekonomia ka nevojë për një shtysë”, Tabaku: Buxheti 2020 nuk e mundëson këtë

Ish-deputetja e PD-së, Jorida Tabaku ka dalë ditën e sotme në terren ku ka parë nga afër vështirësitë hasin bizneset e fasonëve.

Përmes një postimi në Facebook, Tabaku ironizon qeverinë e cila nuk investon në këto biznese po sipas saj e kanë mendjen për t’ua lehtësuar jetën oligarkëve.

Tabaku shton se punonjësit në këtë biznes paguhen më pak për shkak se “shteti nuk ofron shërbimet për taksat që merr, rëndon xhepin e bizneseve dhe punonjësve ndërsa këta të fundit nuk marrin atë që meritojnë”.

Sipas saj, ekonomia në vend ka nevojë për një shtysë dhe buxheti i përcaktuar për vitin 2020 nuk e mundëson këtë gjë.

Postimi i plotë:

Në kuadrin e vazhdueshëm të takimeve me biznesin, sot vizituam një fabrikë fasonësh bashkë me Dhuratën, Flamurin, Shkëlqimin dhe Andian. Ndryshe nga përfaqësues të qeverisë që vëmendjen kur projektojnë buxhetin e kanë tek oligarkët për t’ua lehtësuar jetën me politika fiskale që u vijnë përshtat. Si një përfaqësues i biznesit fason vendas dhe si sipërmarrës tek një nga degët që ka numrin më të lartë të punonjësve, ai na shprehu shqetësimet e tij në lidhje me taksat e larta, barrën e lartë sigurimeve, problemet me rimbursimin e TVSH dhe administratën tatimore. Si dhe mbi të gjitha kosto e rënies së pashpjegueshme të EURO-s që llogaritet sa 11% e fitimit të kompanisë.

Siç edhe pritej shqetësimi i biznesit ishte dhe kosto edhe problem për punonjësit. Këta të fundit paguhen më pak, kanë një kosto më të lartë të jetesës dhe shpenzojnë më pak sepse shteti nuk ofron shërbimet për taksat që merr, rëndon xhepin e bizneseve dhe punonjësve ndërsa këta të fundit nuk marrin atë që meritojnë. Një biznes fason sot paguan 36.6% të fitimit në formë taksash shoqëruar kjo me 11% të fitimit që humbet nga rënia e pashpjegueshme e EURO-s, humbjet e biznesit janë afër 50% të fitimit. E gjitha kjo do të thotë më pak investime, rroga më të ulëta, kosto më e lartë dhe më pak vende pune. Prandaj ne propozojmë një alternativë për këtë situatë krize; propozojmë që biznesi të tatohet me 9%, që të ardhurat personale të punonjësve të shkojnë në 9%, që sigurimet shoqërore për punëdhënësin dhe punëmarrësin të jenë 18%. Këto politika fiskale do të prodhojnë një mjedis më të mirë biznesi, konkurrencë të ndershme, luftë papunësisë dhe mbi të gjitha një rritje pagash pas një 7-vjeçari të mbytur në krizën e politikave të gabuara fiskale dhe dimrin ekonomik.

Shqipëria ka nevojë për një shtysë në ekonomi, vendi ka nevojë për shpresë dhe për rindërtim. Një shtysë që buxheti 2020 nuk e ofron përkundrazi përkeqëson situatën e çdo biznesi.

 

- Reklama -

Më shumë nga kategoria




Të fundit

Zbardhet lista e plotë e kandidatëve të PS për zgjedhjet e 25 prillit

Ka përfunduar mbledhja e kryesisë së Partisë Socialiste e cila zgjati për disa orë pasditen e sotme. Sekretari i Përgjithshëm i PS, Taulant Ball ka...

Zbardhet debati në Kryesinë e PS mes kryeministrit Edi Rama dhe Ditmir Bushatit

Zbardhet debati mes kryeministrit Edi Rama dhe ish-ministrit për Europën dhe Punët e Jashtme Ditmir Bushati në mbledhjen me dyer të mbyllura në Kryesinë...

Dalin emrat e parë nga PS/ Rama në Durrës e Vlorë, Majko i 19-ti në Tiranë

Dalin emrat e parë të kandidatëve për zgjedhjet e 25 prillit nga radhët e Partisë Socialiste. Mësohet se kryeministri Edi Rama do të kandidojë...

Zgjedhjet e 25 prillit, Facebook paralajmëron partitë politike

Platforma sociale, “Facebook” ka bërë një thirrje për partitë politike, duke u kërkuar atyre të jenë transparente për mënyrën se si do të financojnë...

Meta rikthehet në krye të LSI-së, nëse fiton Rama? Ja si përgjigjet Kryemadhi

Kryetarja e Lëvizjes Socialiste për Integrim, Monika Kryemadhi, shprehet e bindur se opozita e bashkuar, në zgjedhjet parlamentare të 25 prillit do të marrë...