Ish-deputeti demokrat Oerd Bylykbashi, i është përgjigjur kryeministrit Rama i cili nga Durrësi i përmendi emrin duke thënë se “pashë edhe reagimin e atij juristit që thoshte, nuk hyjmë në zgjedhje”. Po sipas Ramës, Bylykbashi nuk do zgjedhje, sepse nuk ka elektorat në Durrës.
Bylykbashi ka reaguar duke i kujtuar Ramës momentet kur është mundur në zgjedhje nga PD. Me tone ironike, ish-deputeti i PD-së i thotë kryeministrit se kur është artist, mos ta marrë mundimin që të bëhet jurist.
