Sali Berisha ka debatuar me analistin Andi Bushati, në emisionin “Now”, në lidhje me zgjedhjet e ardhshme vendore.
Berisha u shpreh i prerë se me kreun e qeverisë Edi Rama, nuk ka zgjedhje të lira. Ndër të tjera Berisha theksoi se nuk do të bojkotojë zgjedhjet.
“Ne po e ndjekim. Nuk ka zgjedhje të lira. Le t’i marrin, por do përgjigjen të nesërmen. Unë zgjedhje nuk bojkotoj. Po të jesh i sigurtë që në Bashki nuk hyn. Çoj shqiptarët drejt votës së lirë”, tha kryedemokrati.
Nga ana tjetër, analisti Andi Bushati iu drejtua Berishës duke i thënë se edhe pse e di që nuk do të ketë zgjedhje të lira, do e dërgojë PD-në si “cjapi te kasapi”.
“Do i lini t’i fitojë. Po shkoni në zgjedhje të pa lira. Atëherë nuk kemi garë më 14, kemi më 16 maj e mbrapa. Ta çoni PD si cjapi te kasapi”, deklaroi Bushati.
