Regjisori Edmond Budina ka lëshuar akuza të forta në drejtim të ambasadorit të BE-së në Tiranë Luigi Soreca, teksa e cilësoi si një diversant i cili ka sabotuar çështjen e Teatrit Kombëtar. Deklarata e Budinës, u bë ditën e sotme në emisionin ”Kjo Javë” në News 24.
Sipas tij, Soreca nuk ka reaguar në takimet që ka bërë me artistët, teksa shtoi se diplomati nuk duhet të shkonte fshehurazi në Gjykatën Kushtetuese, në ditën që do jepej vendimi për Teatrin Kombëtar.
Ndër të tjera, ai e konsideroi një vendim historik vendimin e Gjykatës Kushtetuese, e cila vendosi që të pezullojë punimet për ndërtimin e teatrit të ri, dhe të shfuqizojë ligjin special ku trualli i kalonte Bashkisë Tiranë.
Edmond Budina: ”Zoti Soreca për mendimin tim në çështjen e Teatrit Kombëtar është një diversant që ka sabotuar çështjen e Teatrit Kombëtar dhe këtë e them me bindje të plotë. Ne kemi bërë disa takime me të dhe ai nuk ka reaguar fare, shkon në gjykatën kushtetuese fshehurazi, ditën që do gjykohej cështja e Teatrit Kombëtar. Pse nuk e bëri publike siç i ka bërë të gjitha të tjerat? Pse nuk u shpreh z.Soreca edhe pas takimit, dhe pasi e zbuluam ne. Të thoshte: I kërkoj Gjykatës Kushtetuese të jetë e paanshme. Këtë duhet të bënte z.Soreca dhe jo të na akuzonte për shpifje, le të na akuzojë, ka për ta parë që të ato shpifje do të dalin të vërteta fjalët tona.”
