Brexit: Britania largohet nga BE pa marrëveshje tregtare

Bisedimet mes Britanisë së Madhe dhe Bashkimit Evropian për marrëveshje tregtare pas Brexitit, kanë përfunduar.

Lajmin e ka bërë të ditur qeveria britanike, sipas së cilës, nuk ka kuptim që bisedimet të vazhdohen vetëm nëse BE-ja përgatitet që të diskutojë tekstin ligjor të detajuar të partneritetit.

Më herët, kryeministri britanik, Boris Johnson ka thënë se Britania e Madhe duhet të bëhet gati që të kryejë tregti me bllokun evropian vitin tjetër, pa marrëveshje.

“Tani është koha që bizneset të bëhen gati, transportuesit të bëhen gati dhe udhëtarët të bëhen gati”, tha Johnson.

Vendimi për largim të Britanisë nga BE-ja ka ardhur pasi 52 për qind e votuesve kanë votuar për dalje të Britanisë nga BE-ja kundruall 48 për qind që kanë kundërshtuar atë, në referendumin e mbajtur më 2016.​