Të shtëna me armë zjarri janë regjistruar në qytetin e Lezhës. Mësohet se breshëria e automatikut ka tronditur lagjen ”Gurra” të qytetit të Lezhës.
Ende nuk dihet nëse ka persona të lënduar si pasojë e të shtënave me armë, apo rrethanat e ngjarjes. Policia dhe grupi hetimor janë nisur drejt vendit të ngjarjes.
Ndërkohë, një banore ka treguar të gjithë makthin që ka kaluar ajo dhe banorët nga ngjarja e rëndë.
“Ne jemi duke u dridhur. Krismat janë dëgjuar në këtë krahun këtej. Vetëm krisma kam ndjerë, se nuk kam parë gjë. U frikësova, jam bërë verdhë. Të kesh frikë të rrish në shtëpinë tënde, është kjo.
Nuk ka bërë vaki kështu ndodhie, nja tre herë të shtëna i kam dëgjuar. Më kapën dridhurat, thashë se çfarë ndodhi”, tha ajo.
