Brazili bëhet shteti i radhës që kalon shifrën e 100 mijë rasteve të infektimit nga koronavirusi.
Me 101,826 raste, Brazili renditet mes vendeve më të prekura nga ky virus. Ndërkohë vetëm në 24 orët e fundit, janë regjistruar 26 viktima nga COVID-19.
Kështu shkon në 7,051 numri total i personave që kanë humbur jetën nga koronavirusi në Brazil. Deri më tani në vend shënohen rreth 43 mijë të shëruar dhe mbi 51 mijë raste aktive.
Ndërsa 1,424 pacientë raportohet se ndodhen në gjendje të rëndë shëndetësore.
Brazili është vendi i nëntë në botë që kalon shifrën prej 100 mijë të infektuarish, pas SHBA-ve, Spanjës, Italisë, Mbretërisë së Bashkuar, Francës, Gjermanisë, Turqisë dhe Rusisë.
Ndërkohë këtij pragu po i afrohet edhe Irani i cili shënon 98,647 raste infektimi.
Më shumë se 3,6 milionë njerëz nga e gjithë bota janë prekur nga koronavirusi, ndërsa mbi 250 mijë persona kanë humbur jetën.
