Kreu i Urgjencës Kombëtare, Skënder Brataj deklaroi se thirrjet drejtuar 127-ës janë konstante, dhe se në 24 orët e fundit ka pasur 1.700 të tilla.
Gjatë konferencës së Komitetit Teknik të Ekspertëve, Brataj shprehu shqetësimin se harta e infektimit nga Covid-19 është zgjeruar.
Skënder Brataj: ”Thirrjet tek 127 vazhdojnë të jenë konstante. Janë 1700 pak a shumë në 24 orët e fundit. Numri i thirrjeve për vizita në banesë, pothuajse është barazuar, nga 60-65% që ka pasur më parë, tani kemi një rritje të vogël në qytete të tjera. Numri i shtrimeve vijon të jetë i ulët. Në numrin e fshatrave janë shtuar tre ose katër të tjerë. Duke parë që edhe pse numri i vizitave ka rënë, në zonat e fshatrave duhet pasur më shumë kujdes. ”
Edhe pse prej 10 ditësh Shqipëria ka filluar vaksinimin masiv të popullsisë kundër koronavirusit dhe kurba ka pësuar rënie, masat kufizuese nuk do të ndryshojnë.
Masat që mbeten në fuqi:
Vendi do të mbyllet gjatë fashës orarë 20:00-06:00.
Qytetarët nuk lejohet që të levizin gjatë kësaj fashe orare.
Përjashtim bëjnë rastet e emergjencave shëndetësore dhe për arsye pune. Në rastin e fundit duhet të keni lejen e posaçme.
Gjatë kësaj faze orare nuk lejohet aktiviteti i bareve, restoranteve, klubeve, nga ora 20:00 e mbrëmjes – 06:00 të mëngjesit. Përjashtim bëjnë shërbimet delivery.
Shkollat e mesme në zonat e riskut të lartë vijojnë online përveç maturantëve.
Universitetet do të vijojnë me mësimin online.
Fluturimet me Britaninë e Madhe mbeten të pezulluara.
