Floriana Garo ju bashkua fushatës së zgjedhjeve të prillit, si zëdhënëse e Lulzim Bashës. Ish-prezantuesja e “Jo vetëm modë” la Gjenevën për t’u futur në politikë. Por pas zgjedhjeve ndodhi edhe ‘divorci’ me Bashën. Ajo nuk humbi kohë, por u hodh në krahët e Berishës, ku e zgjodhi si drejtoreshë të komunikimit të “Foltores”.
View this post on Instagram
Por si është raporti i saj me familjarët, dhe a e kanë mbështetur për këtë vendim? Pak javë më parë, vjehrra e moderatores së njohur, Lumturi Ratkoceri sulmoi ashpër ish-kryeministrin, ku e cilësonte si shkatërruesin e bazave të shtetit, ndërsa falenderonte SHBA që e shpalli ‘non grata’.
Nga ana tjetër, Floriana Garo thotë se me vjehrrën ka qëndrime të ndryshme, e ndërsa bashkëshorti dhe prindërit e kanë mbështetur.
“Vjehrra ime nuk ka qenë dakord. Ajo ka mendime të tjera. Gjithsecili ka mendimin e tij, për sa kohë unë nuk i lejoj të më imponojnë mendimet. Me vjehrrën kemi vendosur mos të diskutojmë për politikë. Im shoq më mbështet. Ai më mbështet mua, PD, ‘Foltoren’ 100%. Prindërit e mi edhe pse kanë dyshime, më kanë thënë se të admirojmë për guximin, ata më thanë ” bravo të qoftë”, ka deklaruar ajo.
