Ish. zëvendës kryeministri i vendit, Erion Braçe, ka ironizuar kreun e PD-së, Lulzim Basha, ku sipas tij, mban fjalime pa asnjë mesazh. Braçe i përmendi kryedemokratit Lulzim Basha minutat që mori gjatë ditës së sotme në Kuvend. Në të njëjtën kohë i kujtoi se të jetë udhëheqës, duhet së paku të kishte dhënë një mesazh për t’u vaksinuar. Teksa ka ndjekur debatet, akuzat e kundër-akuzat, Braçe i revlotuar iu drejtua Bashës për të thënë të vërtetat.
“E nderuar kryetare dhe kolegë. Rendi i ditës nuk ka të bëjë me paratë, por me shëndetin. Unë dua të besoj se sot ka dashur që të përcjellë këtë mesazh për qytetarët. Tabelat këtu thonë vaksinohuni, marrëveshja është për vaksinën.
Paratë në këtë rast janë për një gjë, për të sjellë në vëmendje dy fakte, që kjo qeveri nuk i ka kursyer asnjë sekond paratë për të siguruar vaksinat për qytetarët, dhe e dyta nuk ka një ditë, që nga janari e deri tani që qytetarëve t’ju jetë mohuar e drejta për vaksinim.
Të flasësh 18 minuta një herë, pastaj 3 minuta, pastaj 2 të tjera dhe pastaj 33 minuta dhe të pretendosh se je udhëheqës dhe të mos përcjellësh asnjë mesazh, kjo nuk shkon. Ta vazhdosh muhabetin e parave kur thelbi është shëndeti dhe vaksina nuk shkon. Të ngrihesh dhe të thuash të pavërteta këtu, nuk shkon. Se iu referuam këtu pafund, pafund, anketës së buxhetit të familjes”, u shpreh Braçe.