Ndahet nga jeta në moshën 49-vjeçare tenistja e njohur çeke Jana Novotna, pas një lufte të gjatë me kancerin. Ajo ishte numri një i lojës dyshe në tenis, ku ka triumfuar në12 grand sleme. Ndërsa në garat teke ajo është shpallur kampione në vitet 90’ dhe ka fituar grand slemin e Wimbledon në vitin 1998. Ajo ka luajtur për 14 sezone në cirkutin e WTA-së, e cila dha sot edhe lajmin e ndarjes nga jeta të tenistes. Në karrierën e saj, Novotna ka fituar 24 tituj në lojë teke dhe 76 në lojën dyshe, ndërkohë që ka marrë edhe 3 medalje olimpike, dy të argjendta dhe një të bronztë. Një teniste e kompletuar, që ka bërë epokë në vitet ’90, kur rivalizonte me Stefi Graff.
Gjithmonë në Wimbledon ajo kishte qenë finaliste në vitet 1993 dhe 1997, ku u mund nga dy emra të mëdhenj si Steffi Graf e Martina Hingins. Novotna kishte arritur gjithashtu edhe në finalen e “Australian Open” në vitin 1991, ku u mposht nga amerikania Monica Seles. Gjatë karrierës së saj ajo kishte arritur të ngjitej deri në vendin e dytë të klasifikimit të përgjithshëm WTA, ndërsa në vitin 2005 emri i saj u gdhend në “International tennis hall of fame”.
