Sot është një ditë zie për muzikën. Kompozitori i njohur kosovar, Gjergj Kaçinari ka ndërruar jetë. Lajmi për vdekjen e tij u bë i ditur nga familjarët e tij në rrjetet sociale.
Kompozitori i njohur lindi më 25.04.1939 dhe gjatë gjithë jetës i është përkushtuar pasionit të tij. Ai njihet si kompozitor i muzikës argëtuese, serioze, filmit e teatrit. I përket një prej brezave që shkëlqyen në muzikë pas luftës së dytë botërore në Kosovë.
Përveç muzikës, ai është autor dhe i librave të ndryshëm. Një ndër to është dhe libri i titulluar “Margaritarët e këngëve popullore”. Varrimi i tij do të bëhet të shtunën në varrezat katolike në Prishtinë në orën 14:00.
